لەبواری ئاوەدانکردنەوە کۆمپانیاکانی وڵاتی یۆنان سەرمایەکانیان لەهەرێمی کوردستان دەخەنەگەڕ

ئەمرۆ ١٠/١١/٢٠٢٠ دانا عەبدولکەریم وەزیری ئاوەدانکردنەوە و نیشتەجێ کردن پێشوازی کرد لە دکتۆر سەربەست مەحمەد سەرۆکی سەنتەری هێلینی کوردی بۆ ئاوەدانکردنەوەو وەبەرهێنان و وەفدی یاوەری
لەدیدارێکدا باس لە هاتنی کۆمپانیاکانی وڵاتی یۆنان کرا کە لە بواری ئاوەدانکردنەوە کاردەکەن بەمەبەستی بەگەڕخستنی سەرمایەکانیان لەهەرێمی کوردستان
لەدیدارەکەدا دانا عەبدولکریم وەزیری ئاوەدانکردنەوە ونیشتەجێ کردنی حکومەتی هەرێمی کوردستان کارەکانی وەزارەتی ئاوەدانکردنەوەی بۆ دوو سێکتەر روونکردەوە ئەوانیش بواری رێگاوبان و دروستکردنی پردو تونێل وهێلی ئاسنین بواری دووەمیش بریتیە لە دروستکردنی یەکەی نیشتەجێ بوون
دواتر سەربەست مەحمەد سەرۆکی سەنتەری هێلینی کوردی بۆ ئاوەدانکردنەوە و وەبەرهێنان باسی لە توانای کۆمپانیاکانی وڵاتی یۆنان کرد لەبواری ریگاو بان رێگای خێرا ئاماژەی بۆئەوەش کرد لەئیستادا کۆمپانیاکانی وڵاتی یۆنان ئامادەیان تێدایە بێن لەهەرێمی کوردستان لەبواری ئاوەدانکردنەوە سەرمایەکانیان بخەنەگەڕ